डीआरडीओचे मोठे यश; 'आकाश एमके-१एस' मिसाईलची यशस्वी चाचणी

नवी दिल्ली : संरक्षण संशोधन व विकास संघटनेने (डीआरडीओ) 'आकाश एमके-१एस' या हवाई संरक्षण क्षेपणास्त्राची यशस्वी चाचणी केली. 'आकाश एमके-१एस' ही आकाश क्षेपणास्त्राची प्रगत आवृत्ती असून यामध्ये स्वदेशी बनावटीच्या साधनांचा वापर करण्यात आला आहे. संरक्षण क्षेत्रामधील हा भारताचा मोठा पल्ला मनाला जात असून मागील तीन दिवसातील ही दुसरी यशस्वी चाचणी ठरली आहे.

दिनांक २५ आणि २७ मे रोजी ओडिशातील चंडीपूर येथे असलेल्या अवकाश तळावरुन 'आकाश एमके-१एस' क्षेपणास्त्राची यशस्वी चाचणी केली. जमिनीवरून जमिनीवर मारा करण्याची क्षमता असलेले हे क्षेपणास्त्र आपल्या लक्ष्याचा अचूक भेद करु शकते. आकाश क्षेपणास्त्रावरील शस्त्रप्रणालीत कमांड संचालन आणि सक्रिय टर्मिनल संचालन अशी दोन्ही हत्यारे यात देण्यात आली आहेत.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/ आणि फॉलो करा twitter.com/MTarunBharat