ऐतिहासिक; भारत बनला अंतरिक्ष महाशक्ती!

 

अवघ्या ३ मिनिटांच मोहीम फत्ते

पंतप्रधान मोदींनी मिशन शक्ती मोहिमेबद्दल दिलेल्या माहितीनुसार, लो अर्थ ऑर्बिटमधील ३०० किमी अंतरावर असलेला उपग्रह अवघ्या तीन मिनिटात पाडून मोहीम फत्ते करण्यात आली.

भारताकडे अतरिक्ष युद्धाची क्षमता

मिशन शक्ती हे भारताकडे अंतरिक्ष युद्धाची ताकद असल्याचा पुरावा आहे. भारताने ही मोहीम कोणत्याही देशाविरुद्ध राबवली नसून देशाच्या सुरक्षेसाठी ही कामगिरी केल्याचे मोदींनी सांगितले. भारत हा शांतताप्रिय देश असून आम्हाला जगात शांतात ठेवायची असल्याचेही ते म्हणाले.

शास्त्रज्ञांचा देशाला अभिमान

मिशन शक्ती ही मोहीम फत्ते करण्यासाठी डीआरडीओच्या शास्त्रज्ञांनी महत्वाची कामगिरी बजावली. देशाला संबोधित करताना पंतप्रधान मोदींनी मिशन शक्ती यशस्वी करणाऱ्या शास्त्रज्ञांचे अभिनंदन केले. तसेच या शास्त्रज्ञांचा देशाला अभिमान असल्याचेही ते म्हणाले. दरम्यान, मिशन शक्तीसाठी वापरलेले संपूर्ण तंत्रज्ञान हे भारतीय बनावटीचे आहे.

लो अर्थ ऑर्बीटच टार्गेट का?

मिशन शक्ती मोहिमेअंतर्गत भारतीय शास्त्रज्ञांनी क्षेपणास्त्राद्वारे लो अर्थ ऑर्बीट म्हणजे एलईओ उपग्रह पाडण्यात यश मिळवले आहे. एलईओ या प्रकराचे हे उपग्रह हेरगिरीसाठी वापरले जातात. त्यामुळे पाकिस्तान आणि चीनला हा अप्रत्यक्ष इशारा दिल्याचे समजते.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/ आणि फॉलो करा twitter.com/MTarunBharat