मोदींविषयीच्या ‘त्या’ ट्विटबाबत आर.माधवन काँग्रेसवर भडकला!

 

काँग्रेसच्या ट्विटर हँडलवरून १४ मार्च रोजी सकाळी ९ वाजून १२ मिनिटांनी एक व्हिडिओ शेअर करण्यात आला. या व्हिडिओमध्ये पंतप्रधान मोदी आणि चीनचे राष्ट्राध्यक्ष शी जिनपिंग यांच्यातील संवाद एडिट करून ट्विट करण्यात आला. या व्हिडिओद्वारे पंतप्रधान मोदींची खिल्ली उडवण्यात आली. #Hugplomacyyaadrakhana हा हॅशटॅग वापरण्यात आला. काँग्रेसचे हे ट्विट खूप व्हायरल झाले होते. अभिनेता आर. माधवनने या व्हिडिओवर आक्षेप घेत काँग्रेसला चांगलेच सुनावले.

 

“हे अत्यंत वाईट आहे. राजकीय स्पर्धा काहीही असो. परंतु मोदीजी हे आपल्या देशाचे पंतप्रधान आहेत. या व्हिडिओद्वारे चीनसमोर भारताचा अपमान केल्यासारखे आहे. अशाप्रकारच्या व्हिडिओमुळे विनोद निर्मिती करण्याचा मुर्ख प्रयत्न करण्यात आला आहे. या ट्विटर हँडल करून हे अपेक्षित नव्हते” असे आर. माधवनने ट्विट केले.