मुंबईत हायअलर्ट : रेल्वे स्थानकांची सुरक्षा वाढवली

गुरुवारी तत्पूर्वी मुंबईजवळच्याच कर्जत-आपटा एसटीमध्ये आयईडी बॉम्ब सापडला होता. बुधवारी रात्री आपटा एसटी डेपोत आली असता, कंडक्टरला बसमध्ये बॉम्बसदृश्य वस्तू आढळून आली. ही वस्तू आयईडी बॉम्ब असल्याचे स्पष्ट झाल्यानंतर पोलिसांनी बुधवारी मध्यरात्री हा बॉम्ब निकामी करण्यात आला. दरम्यान या पार्श्वभूमीवर रायगडसह संपूर्ण महाराष्ट्रात हाय अ‍ॅलर्ट जारी करण्यात आला. लोकांना सावधानतेचा इशारा देण्यात आला आहे. कर्जतहून आलेली एसटी क्रमांक एम एच १४, बीटी १५९६ आपटा बस डेपोमध्ये थांबली असताना कंडक्टरला पिशवीत बॉम्बसदृश्य वस्तू दिसली. त्याने माहिती देताच रसायनी पोलीस ठाण्याच्या अधिकाऱ्यांनी घटनास्थळी धाव घेतली आणि बॉम्बशोधक पथकाला या घटनेची माहिती दिली.

मुंबईतील लोकलसह सर्व स्थानकांवर सुरक्षेच्या दृष्टीने कडेकोट बंदोबस्त ठेवण्यात आला असून नागरिकांना संशयास्पद वस्तू अथवा व्यक्ती दिसल्यास संबंधित पोलीस यंत्रणा किंवा रेल्वे पोलीसांना माहिती देण्याचे आवाहन करण्यात आले आहे.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/ आणि फॉलो करा twitter.com/MTarunBharat