जम्मू-काश्मीरमध्ये जैशच्या २ दहशतावाद्यांना कंठस्नान

अधिकाऱ्यांनी दिलेल्या माहितीनुसार, दहशतवाद्यांनी सुरक्षा दलातील जवानांवर गोळीबार केला होता. दहशतवाद्यांना प्रत्युत्तर देताना सुरक्षा दलातील जवानांनी गोळीबार केला. या चकमकीदरम्यान इनायत अब्दुल्ला जिगर आणि शाहिद मुश्ताक बाबा या दोन दहशतवाद्यांना कंठस्नान घालण्यात आले. हे दोन्ही दहशतवादी जैश-ए-मोहम्मद या दहशतवादी संघटनेशी संबंधित होते. शाहिद मुश्ताक बाबा हा दहशतवादी अनेक दहशतवादी हल्ल्यांमध्ये सहभागी होता. सुरक्षा यंत्रणांकडून त्याचा शोध सुरु होता.