बेंगळुरुमध्ये दोन लढाऊ विमानांचा अपघात

 

भारतीय वायुसेनेद्वारे बेंगुळरुच्या येलाहंका या एअर फोर्स स्टेशनमध्ये लढाऊ विमानांचा सराव सुरु होता. या दरम्यान, दोन सूर्यकिरण एअरक्राफ्ट्स उड्डाण करत असताना क्रॅश झाले. या दोन्ही सूर्यकिरण एअरक्राफ्ट्समधील वैमानिक सुरक्षित असल्याची माहिती देण्यात आली आहे. या अपघातात एक नागरिक जखमी झाला असून लढाऊ विमानातील दोन्ही वैमानिक सुरक्षितपणे बाहेर आले. अपघात झालेल्या दोन्ही लढाऊ विमानांचे भाग येलाहंकाच्या नव्या शहरात असलेल्या इसरो ले आऊटजवळ जाऊन पडले. हा अपघात कशामुळे झाला याचे मूळ कारण अजून कळलेले नाही. परंतु या दोन्ही लढाऊ विमानांची एकमेकांशी टक्कर झाल्याने हा अपघात झाला असल्याचे म्हटले जात आहे. १९९६ मध्ये सूर्यकिरण संघाची स्थापना करण्यात आली होती.