कुलभूषण जाधव प्रकरण : आंतरराष्ट्रीय न्यायालयात पाकिस्तानचा बुरखा फाडला

द हेग : कुलभूषण जाधव प्रकरणी आंतरराष्ट्रीय न्यायालयात सुनावणी सुरू झाली आहे. यावेळी भारताने पाकिस्तानला चोहोबाजूंनी घेराव घातला. भारतातर्फे अॅड. हरिश साळवे आणि अॅड. दीपक मित्तल यांनी पाकिस्तानचा पर्दाफार्श केला.

हरिश साळवे यांनी केलेल्या दाव्यानुसार, “पाकिस्तानने वारंवार वियना संधी उल्लंघन केले आहे. १३ वेळा विनंती केल्यानंतरही परवानगी नाकारली होती. कुलभूषण जाधव हे निर्दोष असतानाही पाकिस्तान आपल्या दुष्प्रचार सुरूच ठेवला आहे.”

 

हरिश साळवे यांनी पाकिस्तानला उघडे पाडले. वियना संधीबाबत साळवे यांनी विविध नियमांवर बोट ठेवून पाकिस्तान त्याच्या शेजारील राष्ट्रातील नागरिकांची हत्या करत असल्याचे सांगितले आहे. यापूर्वी दीपक मित्तल यांनी आंतरराष्ट्रीय न्यायालयाला निर्देशित करताना सांगितले कि, “कुलभूषण जाधव प्रकरणामुळे आंतरराष्ट्रीय न्यायालयाच्या निर्णयाबद्दल भारतातील सव्वाशे कोटी नागरिकांच्या सद्भावना आहेत. पाकिस्तानने निर्दोषी भारतीयांच्या अधिकार डावलले आहेत.”

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/ आणि फॉलो करा twitter.com/MTarunBharat