ब्लॅक पँथरची संख्या अतिशय कमी आहे. विल बुरार्ड लुकस हा सध्या एक बायोलॉजिस्ट म्हणून काम करत आहे. गेल्या काही दिवसांपासून आफ्रिकेच्या जंगलामध्ये ब्लॅक पँथर दिसल्याची चर्चा विलने ऐकली होती. त्यानंतर विलने या परिसरात हाय क्वालिटी डीएसएलार कॅमेरा सेट केला. विलने या कॅमेऱ्यासोबत वायरलेस मोशन सेंसर आणि तीन फ्लॅश लाइट्सचा वापर केला. विलने मादी ब्लॅक पँथरचा फोटो टिपला आहे. प्रसार माध्यमांशी बोलताना विलने माहिती दिली की, “त्या रात्री पौर्णिमा असल्यामुळे प्रकाश कमी होता. तसेच पावसाच्या हलक्या सरीदेखील कोसळत होत्या. त्यावेळी ब्लॅक पँथरचे फोटो काढले.”
“ब्लॅक पँथरची संख्या जगभरात कमी आहे. ब्लॅक पँथर ही वाघाची वेगळी जात नसून गुणसूत्रातील बदलांमुळे हा वाघ संपूर्ण काळ्या रंगाचा असतो. ब्लॅक पँथर हा दिसायला खूप आकर्षक असतो.” असे प्राणी अभ्यासक सांगतात. आफिक्रेच्या जंगलात तब्बल १०० वर्षांनी ब्लॅक पँथर आढळल्याने प्राणी अभ्यासकांनी आणि प्राणी प्रेमींनी आनंद व्यक्त केला आहे.
माहितीच्यामहापुरातरोजच्यारोजनेमकामजकूरमिळविण्यासाठीलाईककरा...facebook.com/MahaMTB/आणिtwitter.com/MTarunBharat