थोर साहित्यिकांना चित्ररुपी मानवंदना

 

पु. ल. देशपांडे, ग. दि. माडगुळकर, बा. सी. मर्ढेकर, कुसुमाग्रज, सुधीर मोघे, बा. भ. बोरकर, मुरलीधर गुप्ते, केशवसुत यांसारख्या अनेक थोर साहित्यिकांच्या चित्तवेधक चित्रांनी कवी कट्ट्यात सगळ्यांचे विशेष लक्ष वेधून घेतले आहे. या चित्रकारांमध्ये काही कलाविद्यार्थ्यांचाही समावेश आहे. याविषयी क्षीरसागर यांना विचारले असता ते म्हणतात की, दीड महिन्यांपूर्वी आम्ही चित्रकारांनी या चित्रांवर काम सुरु केले. एकूण ५२ साहित्यिकांची चित्रे असून त्यामध्ये ४८ पोट्रेट्सचाही समावेश आहे. नवोदित कवींना या महान साहित्यकांच्या चित्रांतून प्रेरणा मिळावी, हाच यामागचा उद्दात हेतू असल्याचे क्षीरसागर म्हणाले. साहित्यिक हे सागरासारखे आहेत आणि या सागरातून केवळ काही मोती आम्ही रेखाटल्याचे समाधान यावेळी महाएमटीबीशी बोलताना क्षीरसागर यांनी व्यक्त केले.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/