मध्य रेल्वेची केरळला ६ कोटी ६२ लाखांची मदत

 

केरळमध्ये आलेल्या नैसर्गिक संकटाने कोट्यवधी रुपयांचे नुकसान झाले असून शेकडो रहिवाशांना आपला जीव गमवावा लागला. या संकटग्रस्त नागरिकांच्या मदतीसाठी रेल्वेचे पाच विभाग धावून आले असून मध्यरेल्वेने केरळला ६ कोटी, ६२ लाख ४८ हजारांची मदत दिली आहे.

 

 

रेल्वे मंत्री पियूष गोयल यांनी रेल्वे विभागाने केरळसाठी सर्वतोपरी मदत करण्याच्या सूचना केल्या होत्या. त्या अनुषंगाने खाद्यान्य व जीवनावश्यक साहित्य पोहचविण्यासाठी रेल्वे विभाग सरसावला. ५ सप्टेंबर रोजी मध्य रेल्वेच्या पाचही विभागांनी मोफत ८४९.२३ टन साहित्य ३५ विशेष पार्सल गाड्यंानी केरळला रवाना केले. त्यात मुंबई विभाग ३१७.३५ टन साहित्य १४ पार्सल गाडया, पुणे १३१.३० टन साहित्य ४ पार्सल गाडया, भुसावळ विभागातून १७ पार्सल गाडयांमधून ३५१.८८ टन साहित्य, नागपूर ३९.४४ टन व सोलापूर विभागातून ९.२६ टन जीवनावश्यक साहित्य केरळला रवाना करण्यात आले. मध्य रेल्वेच्या कर्मचार्‍यांनी त्यांच्या ऑगस्ट महिन्याच्या वेतनातून ६ कोटी ६२ लाख ४७ हजार, २५० रुपये निधी केरळसाठी पंतप्रधान राष्ट्रीय निधीत सुपूर्द केला आहे. तसेच १४ टँक वॅगनव्दारे पाणीसुध्दा केरळला पाठविण्यात आले.