हार्दिक पटेलच्या आंदोलनामागे काँग्रेसचा हात

"भाजपचे विरोधक, पंतप्रधान नरेंद्र मोदींचे विरोधक हे हार्दिक पटेल यांच्या निवासस्थानी जाऊन ज्याअर्थी त्याची भेट घेत आहेत. त्यावरून हे सिद्ध होते की हे आंदोलन राजकीय प्रेरीत आहे. तसेच काँग्रेसने आरक्षणाविषयी आपली भूमिका स्पष्ट करावी’'. असा टोला सौरभ पटेल यांनी काँग्रेसला लगावला. तसेच "५० टक्क्यांपेक्षा जास्त आरक्षण देता येत नाही, असे उच्च न्यायालयाने म्हटले आहे". असेही ते म्हणाले. त्याचबरोबर "हार्दिक पटेल यांनी आपली वैद्यकीय तपासणी करून द्यावी. डॉक्टरांना त्यांनी सहकार्य करावे. हार्दिकच्या आरोग्याची आम्हाला काळजी आहे". असे सांगून सौरभ पटेल यांनी याप्रकरणी गुजरात सरकारची भूमिका स्पष्ट केली.