दिग्विजय सिंग नक्षलवाद्यांचे हितचिंतक !

भाजपचे राष्ट्रीय प्रवक्ते डॉ. संबित पात्रा यांनी पत्रकार परिषद घेऊन दिग्विजय सिंह यांच्यावर सडकून टीका केली. ते म्हणाले की, पोलिसांनी सध्या नक्षलवादाशी संबंध असल्यावरून अनेकांना अटक केली आहे. त्यामुळे काँग्रेसने विचारांची गळचेपी होत असल्याचा आरोप लावणे सुरू केले आहे. मात्र, अटक केलेल्या व्यक्तींकडून जप्त करण्यात आलेल्या एक पत्रात अतिशय गंभीर उल्लेख सापडला आहेत. कॉ. प्रकाश याने कॉ. सुरेंद्र यास लिहिलेल्या पत्रात म्हटले आहे की, काँग्रेसचे अनेक नेते आपल्याला पुढील कारवायांसाठी आर्थिक मदत करण्यात तयार आहेत. त्यासाठी पुढील क्रमांकावर संपर्कसाधावा, ते आपले मित्र आपल्याला सर्व प्रकारची मदत करतील. असे उल्लेख करत एक मोबाईल क्रमांक दिला आहे. हा मोबाईल क्रमांक काँग्रसेचे ज्येष्ठनेते दिग्विजय सिंह यांचा असल्याचे सिद्ध झाले असून सदर क्रमांक आपला असल्याचे दिग्विजय सिंग यांनीदेखील नाकारलेले नाही. त्यामुळे राजकारणासाठी काँग्रेस पक्ष थेट राष्ट्रीय सुरक्षेसाठी तडजोड करत असल्याचे स्पष्ट होत असल्याचे पात्रा म्हणाले. काँग्रेसने नेहमीच नक्षलवादाविषयीदुटप्पी भूमिका घेतली असल्याचा आरोप करत काँग्रेसने पक्षाचे नाव बदलून ‘इंडियन नॅशनल काँग्रेस- माओइस्ट’ अथवा ‘काँग्रेस पार्टी ऑफमाओइस्ट’ असे करून घ्यावे, असा टोलाही संबित पात्रा यांनी लगाविला.