विवेकानंद प्रतिष्ठान इंग्लिश मीडियम स्कूलमध्येसाकारले फुलांचे रंगीबेरंगी विश्व

फुलांची सजावट आणि उपयोगाबाबत विवेचन

फुलांचे विविध उपयोग जसे हार, गजरे, घर सजावट, गणपती सजावट, फुलांच्या रांगोळ्या, पुष्पगुच्छ बनविणे तसेच इतर सजावटीसाठी होणारे फुलांचे उपयोग मुलांना समजावे, यासाठी प्रोजेक्टर आणि प्रत्यक्षात विविध रंगांची, प्रकारची फुले मांडून सुंदर रांगोळ्या व सजावट करण्यात आली होती. फुलांचा वापर करून अंक, अक्षर व आकारसुद्धा काढले होते. नर्सरी, ज्युनिअर व सिनिअरच्या वर्गातून एक विद्यार्थी फूल बनून आले होते. विद्यार्थ्यांनी त्या फुलांविषयी माहिती इंग्रजीमधून सांगितली. कमळ, गुलाब, लिली, जास्वंद, मोगरा, चमेली, चाफा, चंपा, झेंडू, सूर्यफूल अशा विविध प्रकारच्या फुलांचा पेहराव करून विद्यार्थी आले होते.