पुण्यातील राहुल पार्क सोसायटीचा आदर्श गणेशोत्सव

सांस्कृतिक कार्यक्रमात चैत्र महिन्यापासून ते फाल्गुन महिन्यापर्यंत येणारे मराठी सण आणि परंपरा यांचे प्रदर्शन करण्यात आले होते. छोट्या गटातील मुलींनी भोंडला, शिवस्तुती आणि लग्नसराईचे अप्रतिम नृत्य सादर केले. पुरुष मंडळींनी लेझीम नृत्य, तरुण मुलांनी दहीहंडी आणि होळीचे नृत्य सादर केले. तर आषाढी वारीचे नृत्य, जोगवा, कोळी, मंगळागौरीचे पारंपरिक खेळ, दीप नृत्य सादर केले. अशा प्रकारचे अनेक कार्यक्रम राबवण्यात आले. तसेच या कार्यक्रमाचा शेवट छत्रपती शिवाजी महाराजांना पोवाड्याची मानवंदना देऊन करण्यात आला.