नवी दिल्ली : "माझी साक्ष जेव्हा घेण्यात आली होती तेव्हा मी पोलीस अधिकारी अभय चुडासामा आणि भाजप अध्यक्ष अमित शाह यांची नावे घेतली नव्हती. सीबीआयने स्वत:हून या दोन नावांचा माझ्या जबाबात समावेश केला,” असा दावा नयामुद्दिन शेख याने विशेष सीबीआय न्यायालयासमोर केला आहे. नयामुद्दिन शेख हा पोलीस चकमकीत ठार मारल्या गेलेला सोहराबुद्दिन शेख याचा लहान भाऊ आहे. तो सोहराबुद्दिन शेख बनावट चकमक प्रकरणातील एक साक्षीदार आहे. सीबीआय अधिका-यांनी २०१० साली नयामुद्दिनची साक्ष नोंदवली होती, त्यावेळच्या साक्षीप्रकरणी त्याने हा दावा केला आहे. नयामुद्दिन २९ नोव्हेंबर २०१७ रोजी न्यायालयासमोर साक्षीसाठी हजर होणे आवश्यक होते पण समन्स, अजामीनपात्र अटक वॉरंट बजावल्यानंतर नयामुद्दिन सोमवारी न्यायालयासमोर हजर झाला.
माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/