पंतप्रधान मोदींना वाढदिवसाच्या अनोख्या शुभेच्छा

नवी दिल्ली : पंतप्रधान नरेंद्र मोदी यांचा ६८वा वाढदिवस देशभरात मोठ्या उत्साहात साजरा होत आहे. याच दिवसाचे औचित्य साधून मराठमोळ्या पॅराजम्पर शितल महाजन यांनी पंतप्रधान मोदींना अनोख्या पद्धतीने शुभेच्छा दिल्या आहेत. शिकागो येथे आज १३ हजार फुट उंचीवरून उडी घेऊन त्यांनी मोदींना शुभेच्‍छा दिल्‍या. यावेळी त्यांनी तिंरगी सूट परिधान करत हातात मोदींना शुभेच्छा देणारे पोस्टर हातात धरले होते.

 

शितल या गेल्या ४ वर्षांपासून मोदींची भेट घेण्‍याचा प्रयत्‍न करत होत्‍या. मात्र त्यांचे स्वप्न सत्यात उतरले नाही. यामुळे त्यांच्या वाढदिवसाचे औचित्‍य साधून त्‍यांनी अनोख्‍या पद्धतीने लक्ष वेधून घेण्‍याचा प्रयत्‍न केला.

 

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/