कोकणात जाणारे चाकरमानी खोळंबले

रत्नागिरी : गणेशोत्सवाच्या पहिल्याच दिवशी कोकणात रेल्वेने जाणाऱ्या प्रवाशांचे हाल होत आहेत. कोकण रेल्वे मार्गाचे वेळापत्रक पूर्णपणे कोलमडलं. त्यामुळे कोकणात जाणाऱ्या गाड्या पाच तास उशिराने धावत आहेत. बहुतांश चाकरमानी गणेशोत्सवासाठी आठ दिवस आधीच कोकणात दाखल झाले होते. मात्र, काहींनी बुधवारी रात्री कोकणात जाण्यासाठी रेल्वेने प्रवास केला, मात्र वेळापत्रक कोलमडल्याने त्यांना वेळेवर पोहोचता आले नाही.

 

 

कोकण रेल्वेच्या बऱ्याच गाड्या अर्धा तास उशिराने तर काही गाड्या सुमारे पाच तास उशिराने धावत आहेत. डाऊन मांडवी, डबल डेकर, दुरांतो, हापा, निझामुद्दीन एक्सप्रेस वगळता इतर सर्व गाड्या उशिराने धावत आहेत. सर्वच गाड्यांना मोठी गर्दी झाली आहे. ट्रेन बंचिंगमुळे रेल्वेचं वेळापत्रक कोलमडल्याने गाड्या एकामागे एक थांबल्या आहेत.

 

 

  

 

 

      माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/