एनआरसीच्या पार्श्वभूमीवर “घुसखोरीचे आव्हान” या मुद्यावर मंडळाने सजावट केली आहे. १३ सप्टेंबरपासून विविध कार्यक्रमांचे आयोजन केले जाणार आहे. सजावटीच्या संहितेचे लेखन पत्रकार मकरंद मुळे यांनी केले आहे. दरवर्षीप्रमाणे यंदाची सजावट आकर्षक, माहितीपूर्ण करण्यात आली आहे. यंदा महिलांचे सामुहिक अथर्वशीर्ष पठण, गणेशयाग होणार आहे. दि. १५ व दि. १६ सप्टेंबर रोजी नृत्य गणेश कला साधक स्पर्धा होणार आहे. दि. २० सप्टेंबर रोजी मराठी वाद्यवृंद व दि. २१ सप्टेंबर रोजी तबला वादक फजल कुरेशी, बासरी वादक विवेक सोनार यांचा कार्यक्रम होणार आहे. दि. २२ सप्टेंबर रोजी चारुदत्त आफळे यांचे कीर्तन होईल. सर्व नियोजित कार्यक्रम सहयोग मंदिर सभागृह येथे रात्री नऊ वाजता होतील. कार्यक्रम सर्वांसाठी खुला असून, प्रवेश विनामूल्य आहे.