आदिवासी वाद्यांच्या निनादाने वाडा शहरातील रस्ते दुमदुमून गेले होते. वाडा शहरतील खण्डेश्वरी नाका येथून निघलेली ही शोभा यात्रा पूर्ण वाडा शहरात फिरत पंचायत समिती येथे येत येथील हुतात्मा चौकाजवळ येत येथे बिरसा मुंडा यांना श्रधांजली वाहण्यात आला. पुढे पांडुरंग जावजी हायस्कूल येथे जात अनेक मान्यवरांनी समाजप्रबोधनक भाषणे केली. राज्याचे आदिवासी विकास मंत्री व पालघरचे पालकमंत्री विष्णू सवरा यांनी तमाम आदिवासी बांधवांना यावेळी शुभेच्छा दिल्या. मातृभूमी संघटना,महाराष्ट्र राज्य आदिवाशी शिक्षक संघटना,आदिवाशी युवा संघटना यांच्या संयुक्त विद्यमानाने या कार्यक्रमाचे आयोजन करण्यात आले होते.