दहिहंडी समन्वय समितीकडून पथकांची नावे
मुंबईत जवळपास ८-९ थर असे उंच थर लावणारी २३ दहिहंडी पथके आहेत. त्यांची पार्श्वभूमी लक्षात घेता दहिहंडी समन्वय समितीकडून आम्हाला पथकांची नावे देण्यात आली. त्यातील काही पथके ही प्रो गोविंदामध्ये सहभागी होणार असल्याचे सरनाईक म्हणाले. सर्वात कमी वेळेमध्ये जास्त थर लावणा-या गोविंदा पथकाला विजयी घोषित करण्यात येणार असून सरकारने जारी केलेल्या नियमावलीप्रमाणेच ही स्पर्धा पार पडणार असल्याचे त्यांनी सांगितले.
क्रीडा मंत्री उपस्थित राहणार
दरम्यान, या स्पर्धेला क्रीडा मंत्री विनोद तावडे आणि ठाणे जिल्ह्याचे पालकमंत्री एकनाथ शिंदे हेदेखील या स्पर्धेला उपस्थित राहणार आहेत. तसेच सरकारच्या नियमावली प्रमाणे ते या ठिकाणी माहिती आणि मार्गदर्शनदेखील करतील, असे सरनाईक म्हणाले. तसेच क्रीडा विभागाचे सचिव आणि संबंधित अधिकारीदेखील या ठिकाणी उपस्थित राहणार असल्याचे ते म्हणाले.
कशी असेल नियमावली
प्रो गोविंदा स्पर्धेत ८ आणि ९ थर लावले जाणार आहेत. ८ थरांच्या स्पर्धेत सहभागी होणा-या खालून सात तर ९ थरांच्या स्पर्धेत सहभगी होणा-या पथकांना खालून आठ थर लावावे लागणार आहेत. यामध्ये सहभागी गोविंदांच्या सुरक्षेला प्राधान्य देण्यात येणार आहे. तसेच सर्वप्रथम कमीतकमी वेळात थर लावावे लागणार आहेत. तसेच खालचा थर लागल्याचे सांगितल्यानंतरच वेळ सुरू करण्यात येणार आहे. थर लावल्याप्रमाणे पथकांना योग्यरितीने खाली उतरावे लागणार आहे. अशा प्रकारे त्यातील मंडळे पुढील फेरीत पोहोचणार असून त्यापैकी एकाला विजेता घोषित करण्यात येईल.
माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/