गोव्याचे मुख्यमंत्री मनोहर पर्रिकर उपचारासाठी पुन्हा अमेरिकेला

मुंबई : गोव्याचे मुख्यमंत्री मनोहर पर्रिकर यांना उपचारासाठी पुन्हा अमेरिकेला हलवण्यात आले आहे. गेल्या काही दिवसापासून त्यांच्यावर मुंबईतील लीलावती रुग्णालयात उपचार सुरु होते. त्यांच्या प्रकृतीत सुधारणा होत असून ते बुधवारी गोव्यात परतणार असल्याचेही सांगितले जात होते. मात्र, त्यांच्या प्रकृतीत गुंतागुंत निर्माण झाल्यामुळे त्यांना अमेरिकेत हलवणायचा निर्णय घेण्यात आल्याचे गोवा राज्य विधानसभेचे सभापती प्रमोद सावंत यांनी पणजी येथे सांगितले. दरम्यान, पर्रिकर यांनी स्वादुपिंडाशी संबंधित आजारपणामुळे यापूर्वीही अमेरिकेत तीन महिने उपचार घेतले होते.