माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/
जनुके, लठ्ठपणा, जीवनशैली, आहाराच्या सवयी, दुखापत आणि सांध्यांची ठेवण यांसारखी अनेक कारणे यात महत्त्वाची भूमिका बजावतात.पुराव्यांवरून असे दिसून येते की, शहरी भागात ग्रामीण भागापेक्षा ‘ऑस्टिओ आर्थ्रायटिस’चे प्रमाण अधिक असून, यामुळेच तरुणांमध्ये हा आजार अधिक प्रमाणात दिसून येतो. बदलत्या आहार सवयी, प्रदूषण आणि बेशिस्त जीवनशैलीचा अंगीकार यामुळे ‘ग्रामीण-शहरी’ असा हा भेद स्पष्टपणे दिसून येतो.
रुग्णांच्या बदलत्या गरजांनुसार, अत्याधुनिक शस्त्रक्रियेचा पर्याय टार्गेटेड थेरपीच्या माध्यमातून चांगले, दीर्घकाळ उपाय पुरवू शकतो.
युनिकम्पार्टमेंटल नी रीसर्फेसिंग
यामुळे गुडघ्याचा बाधित भागच बदलला जातो. टोटल नी रिप्लेसमेंट (टीकेआर) म्हणजेच गुडघे प्रत्यारोपणाच्या प्रक्रियेत हे केले जात नाही. केवळ एका छोट्याशा छिद्राद्वारे ही शस्त्रक्रिया केली जात असून यातून रुग्ण त्वरित बाहेर पडतो व नियमित दैनंदिन कामे पार पाडू शकतो.
टोटल नी अॅण्ड हीप रिप्लेसमेंट
(गुडघे व नितंब प्रत्यारोपण)
ही शस्त्रक्रिया ऊतींच्या जतन पद्धतीने केली जाते. पारंपरिक तंत्रापासून भिन्न असलेल्या टिश्यू प्रीझर्व्हिंग टोटल नी रिप्लेसमेंट (टीपीटीकेआर) प्रक्रियेत आरोग्यपूर्ण हाड, लिगमेंट यांचे जतन करून ठेवले जाते व यात स्नायूंच्या ऊतींना कोणतीही इजा पोहोचवली जात नाही. त्वरीत रिकव्हरी होण्यावर भर दिला जात असून जतन केलेल्या ऊतींमुळे रुग्णाचे भविष्य यामुळे सुरक्षित राहते.
(लेखक फोर्टिस हॉस्पिटल, मुलुंड येथे वरिष्ठ गुडघे व हीप शल्यविशारद आहेत.)