अमित शहा आज असणार पुण्यात, माऊलींच्या पालखीचे घेणार दर्शन

 

 

 

पुणे :  आज भारतीय जनता पक्षाचे राष्ट्रीय अध्यक्ष अमित शहा पुण्यात एक दिवसीय दौऱ्यावर असणार आहेत. पुण्यात दाखल झाल्यावर आज ते सगळ्यात आधी माऊलींच्या पालखीचे दर्शन घेणार आहेत. नाना पेठ येथील निवडुंग विठ्ठल मंदीर येथे आज ते संत तुकोबा महाराज आणि संत ज्ञानेश्वर महाराज यांच्या पालख्यांचे दर्शन घेणार आहेत.

 

 

भारतीय जनता पक्षाच्या सोशल मीडियाशी संबंधित असलेल्या अधिकाऱ्यांसोबत आणि स्वयंसेवकांसोबत आज अमित शहा बालगंधर्व रंगमंदीर येथे संवाद साधणार आहेत. यावेळी ते सोशल मीडिया संदर्भात त्यांना मार्गदर्शन करतील.

 

 

 

 

 

 

 

आज अमित शहा हे आजच्या जगातील चाणक्यनीति विषयी गणेश कला क्रीडा रंगमंच येथे संबोधित करणार आहेत. यावेळी ते चाणक्यनीति आणि आजच्या परिस्थितीत त्याचे महत्व याविषयी बोलणार असल्याची माहिती मिळाली आहे.