यावेळी प्रांजल पुष्कर श्रोत्री यांनी स्वतःच्या उद्योगाची माहिती देत सर्व महिला उद्योजकांना मार्गदर्शन केले. डॉ.अस्मिता सावे यांनी ज्वलंत विषय असलेल्या प्लास्टिकच्या मुद्द्यावर महिला उद्योजिकांना मार्गदर्शन केले. दी ग्रॅनी वे ही संस्था कापडी पिशव्यांचे वाटप करते. त्यांच्या या सामाजिक उपक्रमासाठी त्यांचे कौतुक केले.
महिलांना सासर आणि माहेर या दोन्ही स्तरांवर मेहनत घ्यावी लागते. त्यात जर ती महिला उद्योग करत असेल तर तिच्या समोरील आव्हाने अनेक असतात. नुकताच उद्योग सुरु केलेल्या महिला आणि प्रस्थापित उद्योजिका यांची भेट घडविणे, त्यांच्यात सेतू निर्माण करणे हा या कार्यक्रमाचा उद्देश असल्याचे आयोजक रसिका जोशी-फेने यांनी सांगितले. विशेष म्हणजे महिला उद्योजकांसाठी आयोजित केलेल्या या कार्यक्रमाचे आयोजन देखील महिलांनीच केले होते हे विशेष. या कार्यक्रमात ४० हून अधिक महिला उद्योजिका सहभागी झाल्या होत्या. या कार्यक्रमाचे आयोजन करण्यात महत्वाचा सहभाग जुई बाग, मानसी थिटे, शिल्पा कुलकर्णी या उद्योजिकांचा होता.