विद्यार्थ्यांनो सुरक्षित वातावरणातून बाहेर पडून स्वत:च स्वत:चे मित्र व्हा : पंतप्रधानांच्या "मन की बात"

 

नवी दिल्ली :  आता जुलैचा महिना सुरु झाला आहे. विद्यार्थ्यांचे लक्ष्य प्रश्नांपेक्षा कटऑफवर आणि घरापेक्षा हॉस्टेलवर अधिक असणार अशावेळेला विद्यार्थ्यांना मी केवळ एकच सांगू इच्छितो कि, "विद्यार्थ्यांनो सुरक्षित वातावरणातून बाहेर पडून स्वत:च स्वत:चे मित्र व्हा." असा सल्ला पंतप्रधान नरेंद्र मोदी यांनी विद्यार्थ्यांना दिला आहे. आज मन की बात या कार्यक्रमाच्या ४६ व्या भागात पंतप्रधान जनतेशी संवाद साधत असताना ते बोलत होते. यावेळी त्यांनी मध्य़प्रदेशातील एका गरीब विद्यार्थ्याची यशोगाथा देखील सांगितली.

 

 

 

संतांसोबतच त्यांनी देशातील वीर जवान आणि देशासाठी मोठे कार्य केलेल्या दिग्गजांचे स्मरण केले तसेच २३ जुलै रोजी असलेल्या लोकमान्य बाळगंगाधर टिळक यांच्या जयंती आणि १ ऑगस्टला असलेल्या पुण्यतिथीच्या निमित्ताने त्यांचे स्मरण केले. टिळक यांच्या प्रयत्नांमधूनच सार्वजनिक गणेशोत्सवाची परंपरा सुरु झाली. त्याकाळी इंग्रजांविरुदेध एक होण्याची आवश्यकता होती, ते टिळकांमुळे शक्य झालं.