मराठा आंदोलनाला माझा पाठिंबा : रामदास आठवले

 

 

 

नवी दिल्ली :  "मराठ्यांनी पुकारलेल्या आंदोलनाला माझा पाठिंबा आहे. आरक्षणाची मर्यादा ५० % हून वाढवून ७५ % करण्यात यावी." अशी मागणी सामाजिक न्याय मंत्री रामदास आठवले यांनी केली आहे. मराठा आंदोलनाला त्यांनी पाठिंबा दर्शविला असून मराठ्यांनी शांतपणे आंदोलन करावे असे त्यांनी म्हटले आहे.

 

 

आज मराठा समाजाने आरक्षणाच्या मागणीसाठी मुंबई, नवी मुंबई, ठाणे, पालघर आदी परिसरात बंद पाळला आहे. तसेच हे आमचे शेवटचे शांततापूर्ण आंदोलन असेल असाही इशारा त्यांनी दिला असून सरकारवर दबाव बनविण्याचा प्रयत्न केला आहे, तर दुसरीकडे ''सरकारने आरक्षण दिले आहे, मात्र त्याला उच्च न्यायालयाने स्थगिती दिली असून आता यावर न्यायालयच निर्णय घेऊ शकेल." असे वक्तव्य राज्याचे शिक्षण मंत्री विनोद तावडे यांनी केले आहे. त्यामुळे आता पुढे काय होते हे पाहणे महत्वाचे ठरणार आहे.