लोकसभेत अविश्वासदर्शक ठरावावर चर्चा सुरू

भाजप खासदार राकेश सिंग - देशातील लोकतंत्र मजबूत झाले पाहिजे. देशात लोकतंत्र म्हणजे फक्त आमचे सरकार असणे असे नाही तर आम्ही हे मानतो की, केलेल्या कार्याच्या आधारावर तसेच विश्वासाच्या आधारावर जनता ज्यालाही निवडेल, त्यांना काम करण्याचे संपूर्ण स्वातंत्र्य मिळाले पाहिजे. देशात लोकतंत्राची परिपक्वता राहील तोपर्यंत विकासाची प्रक्रिया चालू राहील.

 

 

या सदनात या आधीही अविश्वास ठरवा मांडण्यात आले, पण हा अविश्वास ठराव त्यापेक्षा वेगळा आहे. आता जेव्हा मी गल्ला यांचे भाषण ऐकले त्यानंतर असे वाटते की हा ठराव आणण्याचे कोणतेही ठोस कारण नाही. ज्या गोष्टींचा त्यांनी उल्लेख केला त्यावेळी काँगेसचे सरकार होते, आणि आता ते काँग्रेस सोबत राहून अविश्वास प्रस्तावाला समर्थन देत आहेत. असेही ते म्हणाले. तसेच देशात चांगले काम करणाऱ्या सरकार विरोधात जगभर नाव कमवलेल्या सरकारविरोधात हा ठराव मांडला जातो. काँग्रेसशिवाय दूसऱ्या कोणत्या पक्षाला एवढे बहुमत मिळून त्याचे सरकार येईल असे आतापर्यंत झालेले नाही. हे असे सरकार आहे की, भारताचे पंतप्रधान नरेंद्र मोदींच्या नेतृत्वाखाली भारतीय जनता पार्टीच्या २८२ आणि एनडीएच्या ३३६ संसदसंख्येतून देशातील करोडो नागरिकांच्या विश्वासावर बनले आहे. अशा सरकारवर बाकीच्या अशा पक्षांनी अविश्वास ठरावासाठी एकत्र येणे की जे वैचारिकदृष्ट्या कायमच एकमेकांचा विरोध करत राहिले, यावरुन हे सिद्ध होते की काँगेस अजूनही एकच परिवारातून बनलेल्या सरकार शिवाय देशात कोणतेही सरकार स्विकारत नाही. अशी टीका सिंग यांनी केली तसेच अविश्वास प्रस्ताव देशाला समजला की हा आपापल्या राज्यातून निसटणारा जनतेचा आधार सांभाळण्यासाठी आहे की, २०१९ मधील मोदींच्या विजयाला रोखण्यासाठी केला जात असलेला प्रयत्न आहे. स्वातंत्र्यानंतरच्या ७० वर्षातील ४८ वर्षात काँग्रेसमधील एकाच परिवाराचे वर्चस्व राहिले आहे. या वर्षात काँग्रसने घोटाळ्यांचे राजकारण केले आहे. तर आम्ही योजनांचे सुशासन दिले आहे. अनेक योजनांच्या माध्यमातून गरिब नागरिकांपर्यंत मदत पोहोचवली. या देशांतील संसाधनांवर पहिला हक्क देशातील गरिब नागरिकांचा आहे. हे लक्षात घेऊन मोदींनी देशाच्या विकासाला नवी दिशा दिली आहे, असेही राकेश सिंग यांनी सांगितले. 

 

 

रॅफेल जहाजाच्या मुद्द्यावर संरक्षणमंत्री निर्मला सीतारामण यांनी पुराव्यानिशी त्यांची बाजू यावेळी स्पष्ट केली.

 

 

गृहमंत्री राजनाथ सिंग - यावेळी राजनाथ सिंग म्हणाले की, भारतीय जनता पक्षाला स्पष्ट बहुमत आहे आणि त्यामुळे आत्ता कोणत्याही पक्षाला इतके बहुमत नाही की तो पक्ष एकटा भाजप सरकारविरोधात अविश्वास ठराव मांडेल त्यामुळे वेगवेगळे पक्ष एकत्र येऊन हा ठराव मांडत आहेत. अनेक वेगवेगळ्या राज्यांमध्ये अनपेक्षित वाटणाऱ्या राज्यांमध्येदेखील भारतीय जनता पक्षाने जनतेचा विश्वास संपादन केला आहे. मात्र ज्या पक्षांनी हा ठराव मांडला आहे, ते पक्ष खरोखर जनतेचा विश्वास समजू शकत नाही म्हणून हा प्रस्ताव मांडण्याचा प्रयत्न करत आहे. काँग्रेस सरकारच्या वेळेस आम्ही कधीही अविश्वास ठराव मांडला नाही कारण आम्हाला तेव्हा स्पष्ट समजत होते की, त्यांच्याकडे संख्याबल आहे, ते बहुमतात आहेत, सरकार चालू आहे तर त्यांना चालू दिले पाहिजे, जनतेचा विश्वास त्यांच्यावर आहे, म्हणून आम्ही काधीही अविश्वास ठराव काधीही मांडला नाही. विविध पक्षांमध्ये गठबंधन होण्याच्या चर्चा चालू असून त्यांचाही आपापल्यांमध्ये विश्वास आहे की नाही हा प्रश्न असून त्याच्यात नेतृत्वाचाही अभाव आहे. यावेळी सर्वात जलदतेने प्रगती करणारा देश म्हणून आपला देश ओळखला जात आहे. इतर देशांच्या तुलनेमध्ये चार वर्षात देशातील अर्थव्यवस्थांच्या तुलनेत आपला देश सहाव्या स्थानावर आहे. ही एक गौरवास्पद बाब आहे. अशी भावनाही त्यांनी व्यक्त केली.