पुण्यामध्ये पीएमपीएमएलची बस पुलावरून उलटली

@@NEWS_SUBHEADLINE_BLOCK@@

    02-Jul-2018
Total Views |



पुणे : पुण्यातील वारजे येथे पीएमपीएमएलची सार्वजनिक बस पुलावरून उलटल्यामुळे १० प्रवाशी जखमी झाले आहेत. यातील २ जणांची प्रकृती अत्यंत गंभीर असून जखमी प्रवाशांना उपचारासाठी जवळील रुग्णालयात दाखल करण्यात आले आहे. तसेच स्थानिक प्रशासनाकडून मदतकार्य देखील सुरु करण्यात आले आहे. 

आज दुपारी १२ वाजण्याच्या सुमारास ही दुर्घटना घडली. पीएमपीएमएलची एमएच १४ सी डब्ल्यू ३०८८ ही बस वारजेजवळील उड्डाणपुलाहून चांदणी चौकाकडे जात होती. यावेळी बसमधून एकूण २० प्रवास करत होते. याच वेळी अचानकपणे चालकाचा ताबा सुटल्यामुळे बस थेट उड्डाणपूलच्या कठड्याला धडकून पुलावरून उलटली. दरम्यान पुलाखाली असलेल्या एका घरावरच ही बस कोसळली. परंतु सुदैवाने यावेळी घरात कोणीही नसल्यामुळे मोठा प्रसंग टळला. यानंतर स्थानिक नागरिकांनी आणि पोलिसांनी तत्काळ मदतीसाठी धाव घेत, बसमध्ये अडकलेल्या नागरिकांना बाहेर काढले. तसेच जखमी नागरिकांना तत्काळ उपचारासाठी म्हणून रुग्णालयात दाखल केले.
@@AUTHORINFO_V1@@