संपूर्ण निसर्गरम्य वातावरणात घाट रस्त्यावर मोटरसायकलवर प्रवास करून लोणावळा, कार्ला व लोहगड येथे पोहोचणे व सुखरूप मागे येणे हा अतिशय चित्तथरारक अनुभव होता. त्यातदेखील सर्व मोटारसायकलस्वारांची मानसिक व शारीरिक क्षमता तपासून त्यांना या मोहिमेसाठी तयार करण्यात आले होते. सर्वात आधी सुरक्षिततेला प्राधान्य देऊन तसेच वेगावर मर्यादा ठेऊन टिटवाळा येथील सिद्धिविनायक युवा संस्थेचे अध्यक्ष विनायक कोळी, क्रीडाप्रशिक्षक हरिश वायदंडे व संतोष मुंढे या साहसी प्रशिक्षकांच्या मार्गदर्शनाखाली संतोष जाधव, समाधान कोंडावळे, साहिल कातडे, आदित्यन जयवेल, चंद्रकांत जाधव, अक्षय व बशराज हरसिंगे या ११ युवकांनी निसर्गरम्य वातावरणात एका दिवसात २५० किमी लांबीचा मोटरसायकल प्रवास करून ही मोहीम यशस्वीरित्या पूर्ण केली.