नालेसफाईच्या दाव्यांना नाल्यांतच जलसमाधी

तसेच पालिकेच्या सर्व यंत्रणा २४, तास सज्ज ठेवण्यात आल्या आहेत. हिंदमाता येथे पाणी जास्त साचल्याने मदतीसाठी एनडीआरएफ पथकाला बोलावण्यात आले होते, असे त्यांनी सांगितले. मुंबईत मध्यरात्रीपासून मुसळधार पावसाने जोरदार बरसात केली. सकाळी आठ ते सायंकाळी पाच या कालावधीत शहर भागात ७५.६६ मिमी, पूर्व उपनगर भागात २७.०५ मिमी तर पश्चिम उपनगरे भागात ३१.२५ मिमी इतक्या पावसाची नोंद करण्यात आली.

पावसाची नोंद

शहर भागात सर्वात जास्त पाऊस पडला. चंदनवाडी - १००.४८ मिमी, भायखळा - ८८.८९ मिमी, कुलाबा - ५७.६६ मिमी, धारावी - १०६.४४ मिमी, ग्रँट रोड - ४१.३६ मिमी, वडाळा - ७०.३५ मिमी, सीएसएमटी - ८५.०० मिमी, मांडवी - ८४.९० मिमी, नायर - ४७.१७ मिमी, वरळी - ६०.९४ मिमी इतक्या पावसाची नोंद झाली आहे. पूर्व उपनगर भागात, गव्हाणपाडा - २ .०० मिमी, कुर्ला - ३६.८१ मिमी, मुंलुंड - १०.४१ मिमी, भांडुप - ३३.३७ मिमी, चेंबूर - ५२.५३ मिमी, घाटकोपर - २७.२५ मिमी इतक्या पावसाची नोंद झाली आहे. पश्चिम उपनगरे भागात अंधेरी - ६०.७० मिमी, बीकेसी - ३३.०० मिमी, चिंचोली - १८.५५ मिमी, दहिसर - २९.१७ मिमी, कूपर - ५१.७० मिमी, गोरेगाव - १६.२१ मिमी, सांताक्रुझ - ४०.९० मिमी, कांदिवली - ७.६० मिमी, मालाड - ९.३८ मिमी, मरोळ - ३४.७८ मिमी, मालवणी - ३६.८९ मिमी इतक्या पावसाची नोंद झाली.

झाड पडून मुलीचा मृत्यू

दहिसर पूर्व येथील एस एन दुबे रोड वर झाड पडून एका मुलीचा मृत्यू झाला आहे. दृष्टी मुकेश मुंग्रा असे या मुलीचे नाव आहे. शनिवारी रात्री ९.३० च्या सुमारास एस एन दुबे रोड वर झाड कोसळून दृष्टी जखमी झाले. तिला दहिसर येथील रोहित नर्सिंग होम दाखल करण्यात आले असता डॉक्टर उदय यादव यांनी तिला मृत घोषित केले.