'तुंबवून' दाखवले !

या मुसळधार पावसामुळे रस्त्यावरील वाहतुकीवर व रेल्वे वाहतुकीवर काही प्रमाणात परिणाम झाला. हिंदमाता, दादर, धारावी, परळ या भागातील नागरिकांना त्यामुळे पावसामुळे साचलेल्या गुडघाभर घाण पाण्यातूनच वाट काढत, आपल्या कामासाठी मार्गक्रमण करावे लागले. या पावसामुळे जनजीवनावावर परिणाम झाला. तसेच पालिकेने पावसामुळे पाणी साचलेल्या ६४ ठिकाणी पाणी निचरा करणारे पंप त्वरित कार्यान्वित करण्यात आले. तसेच हिंदमाता येथील पाण्याचा निचरा करण्यासाठी पालिकेने ब्रिटानिया पंपिंग स्टेशन लगेचच कार्यान्वित केल्याने हिंदमाता परिसरातील पाण्याचा दुपारनंतर निचरा होऊन, नागरिकांना दिलासा मिळाला. दरम्यान, हिंदमाता येथील पाण्याचा निचरा करण्यासाठी पालिकेने एनडीआरएफच्या पथकाला पाचारण केले होते. या पथकाने काही नागरिकांना साचलेल्या पाण्यातून जाण्यासाठी मदत केली.

पवई येथे पद्मावती मार्गावर एका रिक्षावर झाड कोसळल्याची घटना घडली. मात्र या घटनेत कोणी जखमी झाल्याची माहिती प्राप्त झालेली नाही. तसेच पश्चिम उपनगरातील जेव्हीएलआर मार्गावर गांधीनगर येथे रस्तावरील दुभाजकावर एका कंटेनरने धडक दिल्याने या मार्गावरील वाहतुकीवर काही काळ परिणाम झाला.

शंभर मिमी पाऊस पडल्याने पाणी साचले

मुंबईत पावसाने सकाळपासूनच हजेरी लावली. हिंदमाता परिसर, धारावी, परळ टीटी जवळजवळ शंभर मिमीपेक्षा जास्त पाऊस झाला आहे. मुंबई शहरामध्ये हिंदमाता, परळ टीटी व सायन रोड नं. २४, किंग्जसर्कल या ठिकाणी पाणी एक फुटापेक्षा कमी पाणी तुंबले. इतर कोणत्याही भागात पाणी तुंबलेले नाही, असा दावा मुंबई महापालिकेने केला आहे.

पाणी तुंबलेच नाही : महापौर