मेट्रो वन कार्यप्रणाली भविष्यातील प्रकल्पांसाठी मार्गदर्शक

@@NEWS_SUBHEADLINE_BLOCK@@

    08-Jun-2018
Total Views |


मुंबई: शहरांच्या विकासात सार्वजनिक परिवहन व्यवस्थेचे मोठे महत्त्व असून, मुंबई शहरातील प्रवाशांसाठी मोबाईलद्वारे इंटिग्रेटेड तिकिटिंग प्रणाली सुविधा उपलब्ध करून, देण्यासाठी प्रयत्नशील असल्याची माहिती मुख्यमंत्री देवेंद्र फडणवीस यांनी दिली. ’मुंबई मेट्रो वन’च्या चौथ्या वर्धापनदिनानिमित्त वर्सोवा मेट्रो स्थानकात आयोजित कार्यक्रमात ते बोलत होते. ’मुंबई मेट्रो वन’ची कार्यप्रणाली भविष्यातील अन्य प्रकल्पांनाही मार्गदर्शक ठरेल, असेही मुख्यमंत्री यावेळी म्हणाले. यावेळी त्यांच्या हस्ते क्यूआर कोड आधारित ’मेट्रो मोबाईल तिकिटिंग-स्किप-क्यू या सुविधेचा प्रारंभ करण्यात आला. तसेच माझी ’मेट्रो फेस्टिव्हल’मध्ये पारितोषिक प्राप्त चित्रकृती, कविता आणि छायाचित्रांनी सजविलेल्या ’माझी मेट्रो-आर्ट ट्रेन’चे उद्घाटन करण्यात आले. शुक्रवारी ’मेट्रो वन’च्या चौथ्या वर्धापनदिनानिमित्त वर्सोवा स्थानकात कार्यक्रमाचे आयोजन करण्यात आले होते. यावेळी आ. प्रसाद लाड, आ. अमित साटम, आ. भारती लव्हेकर, एमएमआरडीएचे आयुक्त आर. ए. राजीव, रिलायन्स इन्फ्रास्ट्रक्चर्सचे समूह व्यवस्थापकीय संचालक सतीश शेठ, मुंबई मेट्रो वनचे मुख्य कार्यकारी अधिकारी अभयकुमार मिश्रा आणि अन्य मान्यवर उपस्थित होते. ’मुंबई मेट्रो वन’ने मुंबईतील सार्वजनिक प्रवासी वाहतुकीचा चेहरामोहरा बदलून टाकला आहे. सक्षम सार्वजनिक परिवहन व्यवस्थेशिवाय शहरांचा विकास होऊ शकत नाही. आतापर्यंत मुंबईत उपनगरीय रेल्वेने प्रवाशांची सेवा केली, पण आता मेट्रोच्या रूपाने मुंबईला आधुनिक पर्याय उपलब्ध झाला आहे. मेट्रोला जगभर जलद, पर्यावरणीय दृष्ट्या स्वच्छ आणि सक्षम म्हणून मान्यता आहे. त्यामुळेच मुंबई मेट्रो वन यापुढील अन्य प्रकल्पांसाठीही त्यांच्या कार्यप्रणालीमुळे मार्गदर्शकच ठरेल, असे मुख्यमंत्री यावेळी म्हणाले.

मोबाईलद्वारे इंटिग्रेटेड टिकिटींग सुविधेसाठी प्रयत्नशील

मुंबईतील प्रवाशांच्या सुविधेसाठी मोबाईलद्वारे इंटिग्रेटेड तिकिटिंग सुविधा उपलब्ध करून, देण्यासाठी प्रयत्नशील असल्याची माहिती मुख्यमंत्र्यांनी यावेळी दिली. या सुविधेमुळे नागरिकांना कोणत्याही सार्वजनिक प्रवासी वाहतूक सुविधेचा एकाच तिकिटाद्वारे वापर करता येणार आहे. लवकरच सुरू होणार्‍या जलमार्गे प्रवासी वाहतूक सुविधेचाही त्यामध्ये समाविष्ट करण्यात येणार असल्याचेही ते म्हणाले.

@@AUTHORINFO_V1@@