‘अनुभूती’ या सांगीतिक ऊर्जेसह महानिर्मितीचा तेरावा वर्धापनदिन उत्साहात साजरा

मुंबई : वीज क्षेत्रातील वाढती स्पर्धा व भविष्यातील आव्हानांना पेलण्याकरिता महानिर्मितीच्या मनुष्यबळाने अद्ययावत ज्ञानासोबत स्मार्टवर्क करण्याची गरज असल्याचे प्रतिपादन महानिर्मितीचे संचालक (संचलन) चंद्रकांत थोटवे यांनी केले. प्रकाशगड मुख्यालय, वांद्रे, मुंबई येथे महानिर्मितीच्या १३ व्या वर्धापन दिनानिमित्त आयोजित अनुभूती या मराठी-हिंदी गीतांच्या सांगीतिक कार्यक्रमाप्रसंगी ते बोलत होते. वीज उत्पादनाशी निगडीत असलेले अधिकारी-कर्मचारी तणावमुक्त राहावेत, त्यांच्यामध्ये नवा जोश निर्माण व्हावा या दृष्टीने अनुभूती या कार्यक्रमाचे आयोजन करण्यात आले.