मतमोजणीच्या पार्श्वभूमीवर आज दुपारी मतमोजणीस्थळी मतमोजणी कर्मचारी, अधिकार्यांचे प्रशिक्षणाचे आयोजन करण्यात आले आहे. या निवडणुकीसाठी सोमवारी नाशिक विभागात ९२.३५ टक्के मतदान झाले होते. विभागातील सर्व जिल्ह्यांमधून मतपेट्या पोलीस बंदोबस्तात नाशकात आणण्यात आल्या. शेवटची पेटी नंदुरबार जिल्ह्यातून मंगळवारी पहाटे ५ वाजता पोहोचली. या सर्व पेट्या अंबड औद्योगिक वसाहतीतील सेंट्रल वेअर हाऊस येथे जमा करण्यात आल्या असून, याठिकाणी चोख पोलीस बंदोबस्त ठेवण्यात आला आहे. गुरुवारी सकाळी आठ वाजता मतमोजणीला सुरुवात करण्यात येईल. या मतमोजणीची रंगीत तालीम व पूर्वतयारीचा भाग म्हणून बुधवारी दुपारी कर्मचारी, अधिकाऱ्यांचे प्रशिक्षणाचे आयोजन करण्यात आले होते.