१ हजारहून अधिक विशेष शिक्षकांचे सेवेत समायोजन होणार

@@NEWS_SUBHEADLINE_BLOCK@@

    27-Jun-2018
Total Views |





मुंबई : केंद्र सरकार पुरस्कृत अपंग समावेशित शिक्षण (माध्यमिक स्तर) योजनेअंतर्गत नियुक्त केलेल्या विशेष शिक्षक व परिचर यांना समायोजीत करण्याचा निर्णय उच्च न्यायालयाने दिला आहे. या निर्णयानुसार संबंधित १ हजार १८५ विशेष शिक्षक आणि ७२ परिचर यांना सेवेत समायोजीत करण्यात येणार आहे. शालेय, उच्च व तंत्र शिक्षण मंत्री विनोद तावडे यांनी याबाबतचे निर्देश शिक्षण विभागाला दिले आहेत. 

बुधवारी मंत्रालयात केंद्र पुरस्कृत अपंग समावेशित शिक्षण योजनेअंतर्गत कार्यरत शिक्षकांच्या समायोजनेसंदर्भात बैठकीचे आयोजन करण्यात आले होते. यावेळी तावडे बोलत होते. या बैठकीस विधान परिषद सदस्य नागो नाणार, श्रीकांत देशपांडे, दत्तात्रय सावंत, विभागाच्या उपसचिव चारूशिला चौधरी आदीसह संबंधित शिक्षक आणि अधिकारी उपस्थित होते. यावेळी विनोद तावडे म्हणाले की, सदर योजनेची अंमलबजावणी करताना नियुक्त करण्यात आलेल्या शिक्षकांच्या कागदपत्रांची पडताळणी करावी. त्यानंतर संबंधित १ हजार १८५ आणि ७२ परिचर यांचे समायोजन करण्यात यावे. तसेच, पडताळणी करताना अथवा तदनंतर या जागांसाठी पात्र म्हणून शिक्षकांचे अर्ज प्राप्त झाल्यास त्यांची तपासणी करूनच निर्णय घेण्यात यावा, असेही तावडे यांनी यावेळी सांगितले.

@@AUTHORINFO_V1@@