हेडगेवारांच्या स्मृतिप्रीत्यर्थ रक्तदान शिबीर संपन्न

 

दरवर्षी या संस्थेच्या वतीने हेडगेवारांच्या स्मृतिप्रीत्यर्थ या शिबिराचे आयोजन करण्यात येते. यंदा या शिबिराचे १५ वे वर्ष आहे. या कार्यक्रमाचे आयोजन दि. १७ जून रोजी ‘एमआयडीसी रिजन्सी’ परिसरात करण्यात आले, तर दि.२४ मे रोजी सकाळी ९ .३० ते दुपारी २ या वेळेत पूर्वेतील स्वामी विवेकानंद विद्यामंदिर, पंडित राणाप्रताप भवन व पश्चिमेतील राणाप्रताप शाळेच्या डॉ. हेडगेवार सभागृहात याचे आयोजन करण्यात आले होते.

पूर्वेतील राणाप्रताप भवन येथे झालेल्या उपक्रमात ४८ नागरिकांनी तर पश्चिमेतील शिबिरात ६३ नागरिकांनी रक्तदान केले. संकलित रक्ताच्या बाटल्या या ठाणे येथील वामनराव ओक रक्तपेढीत जमा करण्यात आल्या असून येत्या काळात डोंबिवलीतही वामनराव ओक रक्तपेढी निर्माण करण्याचा मानस असल्याची माहिती जनकल्याण समिती जिल्हा कार्यवाह निलेश काळे यांनी दिली.

यावेळी वामनराव रक्तपेढीचे डॉ. खरीवान, मुख्य कार्यकारी अधिकारी मंदार गोटे, जनकल्याण समितीच्या कल्याण जिल्हा उपाध्यक्षा शुभदा देशमुख, जिल्हा कार्यवाह निलेश काळे तर प्रमुख पाहुण्या म्हणून नगरसेविका वृशाली जोशी, नगरसेवक राजन सामंत, रक्तपेढी जनसंपर्क अधिकारी सुरेंद्र बेळवळकर, शिकवणी वर्गाचे ज्येष्ठ शिक्षक चंद्रकांत बाऊसकर, वासुदेव जांभळे व रा. स्व. संघाचे व जनकल्याण समितीचे अनेक पदाधिकारी व कार्यकर्ते उपस्थित होते.