बँक ऑफ महाराष्ट्रचे एमडी रवींद्र मराठे यांना अटक

बँकेचे व्यवस्थापकीय संचालक रवींद्र मराठे, कार्यकारी संचालक राजेंद्र गुप्ता यांच्यासह डी. एस. कुलकर्णींचे सनदी लेखापाल सुनील घाटपांडे, अभियंता विभागातील अधिकारी राजीव नेवासेकर यांनाही आर्थिक गुन्हे शाखेनं पुण्यातून अटक केली. याखेरीज बँक ऑफ महाराष्ट्रचेच माजी व्यवस्थापकीय संचालक सुशील मुहनोत यांनाही जयपूरमधून तर बँकेचे अधिकारी नित्यानंद देशपांडे यांना अहमदाबादमधून अटक करण्यात आली. बँकेच्या या अधिकार्‍यांनी आपल्या अधिकारांचा गैरवापर करून डीएसकेंना बेकायदेशीररित्या कर्ज मंजूर केल्याचा आरोप आहे.