मुंबईत भाजप विजयाची शृंखला कायम राखणार:आमदार अ‍ॅड. आशिष शेलार
@@NEWS_SUBHEADLINE_BLOCK@@
मुंबई : "मुंबई पदवीधर आणि मुंबई शिक्षक मतदार संघ हे दोन्ही मतदार संघ पारंपारिक भाजपचे असून ते पुन्हा आपण मिळवू. गेल्या पाच वर्षात मुंबईंत ज्या-ज्या निवडणुका झाल्या त्या सर्व भाजपाने जिंकल्या. आता शिक्षक आणि पदविधर मतदार संघात विजयाची ही शृंखला भाजप कायम राखेल,”असा विश्वास मुंबई भाजप अध्यक्ष आमदार अ‍ॅड. आशीष शेलार यांनी आज येथे व्यक्त केला. मुंबई पदवीधर मतदार संघाचे उमेदवार अ‍ॅड. अमित महेता आणि मुंबई शिक्षक मतदार संघाचे उमेदवार प्रा. अनिल देशमुख यांच्या निवडणुक तयारीसाठी आज वसंत स्मृती, दादर येथे भाजपा पदाधिकार्‍यांचा मेळावा मुंबई भाजप अध्यक्ष आमदार अ‍ॅड. आशिष शेलार यांच्या अध्यक्षतेखाली घेण्यात आला. यावेळी महसूलमंत्री चंद्रकांतदादा पाटील, शिक्षणमंत्री विनोद तावडे, भाजप आमदार राज पुरोहित, मंगल प्रभात लोढा, सरदार तारासिंग, भाई गिरकर, अ‍ॅड. पराग अळवणी, अमित साटम, मनिषा चौधरी, आर. एन. सिंग यांच्यासह माजी आमदार, मुंबई पदाधिकारी, सर्व जिल्हाध्यक्ष, मंडल अध्यक्ष आणि वॉर्ड अध्यक्ष व कार्ययकर्ते मोठया संख्येने उपस्थित होते.