ज्येष्ठ भावगीत गायक अरुण दाते यांचे निधन

 

 

अरुण दाते यांना ज्येष्ठ संगीतकार गजानन वाटवे यांच्या नावाने दिला जाणारा पुरस्कार ८ जून २०१० रोजी प्रदान करण्यात आला होता. प्रख्यात संगीतकार यशवंत देव यांच्या हस्ते हा पुरस्कार पुण्यात झालेल्या एका कार्यक्रमात त्यांना देण्यात आला होता. या कार्यक्रमाप्रसंगी दाते यांनी केेलेले भाषण -

 

 

 

 

अरुण दाते १९५५ पासून आकाशवाणीवर गाऊ लागले. त्यांनी भावगीतांवर आपले लक्ष केंद्रित केले. १९६२ मध्ये शुक्रतारा मंदवारा ह्या पहिल्या गीताची ध्वनिमुदिका प्रकाशित झाली. या गाण्यामुळे दाते यांना खूप प्रसिद्धी मिळाली. पुढे अरुण दाते आपल्या कार्यक्रमांतही ‘शुक्र तारा’ गाऊ लागले. अगदी अलिकडे २०१० पर्यंत अरुण दाते यांचे 'शुक्रतारा' या नावाने होणार्‍या मराठी भावगीत गायनाचे २५०० हून अधिक कार्यक्रम झाले आहेत. त्यांचे उर्दूतील आणि मराठीतील गीतांचे पंधराहून अधिक आल्बमही लोकप्रिय आहेत. मंगेश पाडगावकर, यशवंत देव आणि अरुण दाते या अनुक्रमे कवी, संगीत दिग्दर्शक आणि गायक या त्रिकुटाने मराठी भावगीताला परत लोकप्रियता प्राप्त करून दिली असे म्हटले जाते ते याचसाठी. अरुण दाते यांनी लता मंगेशकर, आशा भोसले, अनुराधा पौडवाल, सुमन कल्याणपूर, सुधा मलहोत्रा, कविता कृष्णमूर्ती यांबरोबर द्वंद्वगीते गायली आहेत. 

 

 

 

 

 

अरुण दाते यांनी ‘शतदा प्रेम करावे’ या नावाचे एक आत्मचरित्र लिहिले आहे. मूळ १९८६ साली प्रसिद्ध झालेले हे आत्मचरित्र २६ मे २०१६ रोजी नव्याने प्रकाशित करण्यात आले. अरुण दाते यांना २०१० मध्ये पहिला गजाननराव वाटवे पुरस्कार प्राप्त झाला होता तर शरद क्रीडा व सांस्कृतिक प्रतिष्ठानचा राम कदम कलागौरव पुरस्कार २०१६ मध्ये प्रदान करण्यात आला होता.