गुगलच्या की-बोर्डमध्ये आता अहिराणी भाषेचा देखील समावेश

आपल्या युजर्सना अजून सोप्या पद्धतीने इंटरनेट हाताळता कसे येईल याच्या प्रयत्नात नेहमीच गुगल असतो त्यामुळे भाषेच्या बाबतीत गुगल मागे कसे काय राहील. आता गुगलने चक्क अहिराणी भाषेतील गुगल की-बोर्ड तयार केला असून आता केवळ अहिराणी भाषा येणाऱ्या नागरिकांना गुगल या सर्च इंजिनचा वापर आपल्या ज्ञानात भर घालण्यासाठी करता येणार आहे. 

 

 

 

 

 

आत्तापर्यंत गुगलने अनेक प्रादेशिक भाषांमध्ये गुगल की-बोर्ड तयार केला आहे. यात मराठी, गुजराती, पंजाबी, तेलगु, कन्नड, हिंदी अशा भाषांचा उल्लेख करता येईल मात्र गुगलने पहिल्यांदाच एका बोली भाषेचा की-बोर्ड तयार केला असून आता केवळ अहिराणी भाषा येणाऱ्या नागरिकांना देखील गुगलचा वापर करता येणार आहे. 

 

 

 

गुगलने अहिराणीसोबत अजून १५ भाषांचा समावेश गुगल की-बोर्डमध्ये करून घेतला आहे. यात फिजीयन, कोमी, हाल्बी, वागडी अशा जगभरातील बोलल्या जाणाऱ्या बोली भाषांचा समावेश आहे. त्यामुळे आता गुगलच्या युजर्समध्ये अजून मोठ्या प्रमाणात वाढ होणार आहे.