टिळकांच्या अपमानावर प्रकाशकांनी मागितली माफी

 

राजस्थानच्या इंग्रजी माध्यमातील आठवीच्या पुस्तकामध्ये लोकमान्य टिळकांचा उल्लेख 'दहशतवादाचे जनक' असा करण्यात आला होता. काल हे वृत्त सोशल मिडीयावर वायरल झाल्यानंतर देशभरात एकच खळबळ उडाली होती. राजकीय पक्षांपासून ते सामान्य नागरिकांपर्यंत सर्वांनीच राजस्थान सरकारवर टीकेची झोड उठवली होती. यानंतर या पुस्तकांची छपाई करणाऱ्या या कंपनीच्या ध्यानात देखील ही चूक आली व त्यांनी याविषयी जाहीर माफी मागितली. परंतु नागरिक आणि राजस्थान सरकार मात्र ही माफी मान्य करणार का ? याविषयी मात्र अजून साशंकता व्यक्त केली जात आहे.