मुद्रा योजनेची तीन वर्षे

१. मारुती बिरादर, पिरंगुट, जिल्हा पुणे - मारुती बिरादर हे एक कापड विक्रेते आहेत. घरोघरी जाऊन कापड विकण्याचे काम ते करत असत. आपला उद्योग अधिक मोठा करण्यासाठी संधीच्या शोधात असताना, बाणेर येथील भारतीय स्टेट बँकेच्या बाहेर मुद्रा योजनेची जाहिरात त्यांनी पहिली. त्यानंतर त्यांनी चौकशी केली. आवश्यक कागदपत्रे जमा केल्यानंतर त्यांना ३ लाखाचे कर्ज मंजूर करण्यात आले. त्याच्याआधारावर त्यांनी 'साई मेन्स वेअर' नामक आपले छोटे कापड दुकान सुरु केले आहे. आपल्या चिकाटी आणि मेहनतीमुळे मारुती बिरादर आज २० हजार रुपये प्रती महिना नफा कमवू शकत आहेत. या योजनेने त्यांच्या जीवनशैलीवर मोठा प्रभाव निर्माण केला असल्याच्या भावना त्यांनी व्यक्त केल्या आहेत.

 

 

२. मीरा रघुनाथ जाधव, गंगापूर, जिल्हा नाशिक - मीरा जाधव यांचे कुटुंब त्यांच्या पतीच्या पगारावर पूर्णपणे अवलंबून होते. जाधव यांना घरात आर्थिक मदतीसाठी हातभार लावण्याची मोठी इच्छा होती. त्यांनी त्यासाठी पिठाची गिरणी सुरु करण्याचे ठरविले, मात्र गिरणी विकत घेण्यासाठी पुरेसे पैसे हाती नव्हते. मीरा जाधवांनी कर्ज मिळविण्यासाठी काही प्रयत्न केले होते, मात्र भरमसाठ व्याजामुळे त्यांना ते शक्य होत नव्हते.

 

 

मुद्रा योजनेबद्दल त्यांनी माहिती मिळाल्यानंतर त्यांनी गंगापूर येथील देना बँकेत कर्जासाठी अर्ज केला. त्यांना ५० हजाराचे शिशु योजनेतील कर्ज उपलब्ध करून देण्यात आले. आज मीरा जाधव यांची स्वत:चा गिरणीचा व्यवसाय आहे. स्थानिकपातळीवर त्यांना उत्तम प्रतिसाद देखील मिळत आहे. मीरा जाधव या प्रती महिना ६ हजार रुपये कमावू शकत आहेत, ज्यामुळे घरातील आर्थिक स्थितीला हातभार लागत आहे.

 

इतर उद्योजाकांबद्दल वाचा सविस्तर