वांद्र्यात साकारणार मुंबईतील पहिले शिवछत्रपती मंदिर!

वांद्रे पूर्व येथील सरकारी वसाहतीमध्ये मुंबईतील छत्रपती शिवाजी महाराजांचे हे पहिलेवहिले मंदिर खा. पूनम महाजन यांच्या संकल्पनेतून साकार होत आहे. यावेळी मंदिराच्या भूमिपूजन सोहळ्यासाठी भाजप व युवा कार्यकर्त्यांनी रायगडावरून माती तसेच तेथील तळ्यांमधील पाण्याने भरलेले कलश आणले होते. खा. पूनम महाजन यांनी रायगडावरील शिवरायांच्या पदस्पर्शाने पावन झालेली माती आणि पाणी कपाळाला लावून अत्यंत भावपूर्ण वातावरणात या मंदिराचे भूमिपूजन केले. या प्रसंगी वांद्रे पूर्व येथील महेश पारकर यांच्यासह जिल्ह्यातील भाजपचे सर्व पदाधिकारी, कार्यकर्ते आणि सर्वसामान्य नागरिक मोठ्या उत्साहाने, उत्स्फूर्तपणे उपस्थित होते.