६ महापालिकांतील ६ पोटनिवडणुकींसाठी आज मतदान

 

 

 

मुंबई : बृहन्मुंबई महानगरपालिकेसह सहा महानगरपालिकांमधील प्रत्येकी एका जागेच्या पोटनिवडणुकीसाठी आज दि. ६ एप्रिल रोजी मतदान होत असून उद्या, ७ एप्रिल रोजी मतमोजणी होणार आहे.

 

राज्य निवडणूक आयुक्त ज. स. सहारिया यांनी याबाबत माहिती दिली. बृहन्मुंबई, नाशिक, सोलापूर, पुणे, अहमदनगर व उल्हासनगर या महानगरपालिकांतील प्रत्येकी एका रिक्तपदांच्या पोटनिवडणुकीसाठी उद्या सकाळी ७.३० ते सायंकाळी ५.३० या वेळेत मतदान होईल.

 

बृहन्मुंबई : १७३ : ३

नाशिक : १३ -क : ८

सोलापूर : १४ -क : ९

पुणे : २२ -क : ५

अहमदनगर : ३१ -ब : ३

उल्हासनगर : १७ -ब : ४

 

कणकवली (जि. सिंधुदुर्ग) व आजरा (जि. कोल्हापूर) नगरपंचायत; तसेच जामनेर (जि. जळगाव) व वैजापूर (जि. औरंगाबाद) नगरपरिषदेच्या सार्वत्रिक निवडणुकीसाठीही आजच मतदान होणार असून त्यांची मतमोजणी मात्र १२ एप्रिल रोजी होईल. तसेच, गुहागर व देवरूख (जि. रत्नागिरी) या दोन नगरपंचायतींसाठी दि. ११ एप्रिल रोजी मतदान होईल.