काय आहे स्टार्टअप हडल :
"स्टार्टअप हडल" हा एक जागतिक स्तरावरील कार्यक्रम आहे. ज्यामध्ये उद्योजकांना, स्टार्टअप कंपन्यांना प्रशिक्षण दिले जाते, तसेच त्यांना मोठे गुंतवणूकदार आणि कंपन्या यांच्याशी जोडण्याचे काम केले जाते. या कार्यक्रमाची सुरुवात नुकतीच करण्यात आली आहे. यामध्ये दर महीन्याला नवोद्योजकांची भेट ठरते, ज्यामध्ये ठराविक स्टार्टअप कंपन्या आपला आता पर्यंतचा प्रवास आणि त्यामध्ये आलेल्या अडचणी इत्यादी मांडतात. प्रश्नोत्तरांच्या माध्यमातून शंकांचे निरसन करण्यात येते. या कार्यक्रमाची सुरुवात आफ्रीकेतील सगळ्यात मोठ्या स्टार्टअप कॅम्पस मध्ये म्हणजेच "२२ ऑन सॅलोन" येथे करण्यात आली. भारतात अशा प्रकारचा पहिलाच मेळावा आयोजित करण्यात येत आहे.
गेल्या काही वर्षांमध्ये अनेक स्टार्टअप्स असे आहेत, ज्यांना मोठ्या प्रमाणात प्रसिद्धी मिळाली आहे. या कॉनक्लेव्हच्या निमित्ताने अशाच काही स्टार्टअप्सची आठवण येते.
१. स्विगी :
आपल्याला घरी जेवण मागवायचे असेल तर सगळ्यात आधी आपण मोबाइल मधल्या ज्या अॅपचा वापर करतो ती आहे "स्विगी" संपूर्ण भारत भरात स्विगीच्या विभिन्न शाखा आहेत. तसेच ५००० हून अधिक खाद्यगृह स्विगीशी जोडल्या गेले आहेत. ४ वर्षांआधी ही कंपनी जन्माला आली. आणि या कंपनीचे निर्माते देखील तीन तरुण आहेत. राहुल जॅमिनी, श्रीहर्षा माजते आणि नंदन रेड्डी अशी या उद्योजकांची नावे आहेत. २०१७ चा "स्टार्टअप ऑफ द इयर" चा पुरस्कार देखील स्विगीनेच पटकावला आहे.
२. ट्रिपोटो :
ही एक ट्रॅव्हल वेबसाइट आहे. आणि याची खास बाब म्हणजे वापरकर्त्यांच्या अनुभवांच्या आधारावर ही वेबसाइट पर्यटन स्थळांची माहिती देते. "यूजर बेस्ड वेबसाईट" असे याला म्हणता येईल. या वेबसाईटची सुरुवात २०१४ मध्ये झाली. केवळ ४ वर्षात ट्रिपोटो ने व्यावसायिक दृष्टीने मोठी मजल मारली आहे.
३. अर्बन क्लॅप :
आज शहरी आयुष्याला सोपे करण्यासाठी अनेक अॅप्स आल्या आहेत. त्यामध्ये एक महत्वाची अॅप म्हणजे अर्बन क्लॅप. अगदी ब्यूटी सर्विसेस पासून ते इतर सर्व सेवांपर्यंत अर्बन क्लॅप आपल्याला सेवा पुरवतो. आभिराज पाल, राघव चंद्रा आणि वरुण खैतान यांनी या व्यवसायाला एकत्र सुरुवात केली. केवळ ३ वर्षांआधी या व्यवसायाला सुरुवात झाली आणि आज रतन टाटा या व्यवसायातील गुंतवणूकदार आहेत.