पत्रकारांसाठी लागू केलेले नवे नियम मागे घेण्याचे पंतप्रधानांचे निर्देश

दरम्यान आज सकाळीच केंद्र सरकारने खोट्या बातम्या देणाऱ्या पत्रकारांसाठी काही नवे नियम लागू केले होते.  ज्यामध्ये खोट्या बातम्या देणाऱ्या पत्रकारांची मान्यता रद्द करण्याचे निर्देश केंद्र सरकारने दिले होते.  प्रसार माध्यमांसाठी तयार करण्यात आलेल्या मार्गदर्शक तत्वांमध्ये काही नवे बद्दल करून हा नवा नियम लागू करण्यात आला आहे. या नव्या नियमानुसार मुद्रित माध्यमांमध्ये (प्रिंट मिडिया) एखादी खोटी बातमी छापल्यास त्याची तक्रार 'प्रेस काउन्सिल ऑफ इंडिया' (पीसीआय)कडे तसेच इलेक्ट्रोनिक मध्यमांमध्ये खोटी बातमी दिल्यास त्याची तक्रार न्यूज ब्रॉडकास्टिंग असोसिएशनकडे (एनबीए) करता येणार होती. यानंतर यासंबंधी लेखी तक्रार जमा करून येत्या १५ दिवसांमध्ये यावर कारवाई करण्यात येणार असल्याचे या अद्यादेशात सांगण्यात आले  होते.