नगर येथे पुन्हा एकदा दुहेरी हत्याकांड, जामखेड बंदची मागणी

 

 

 

अहमदनगर :  अहमदनगर येथे पु्न्हा एकदा दुहेरी हत्याकांड झाल्याची घटना घडली आहे. जामखेड येथे गोळीबार करुन दोन तरुणांची हत्या करण्यात आली, यामुळे संपूर्ण नगर हादरून गेले आहे, नगर येथे तणावाचे वातावरण निर्माण झाले आहे.

 

योगेश आणि राकेश राळेभात अशी हत्या करण्यात आलेल्या भावांची नावे आहेत. योगेश राळेभात राष्ट्रवादी युवक काँग्रेस संघटनेचे जिल्हा सरचिटणीस होते. दोन्ही भावांना जामखेड येथील रुग्णालयात दाखल करण्यात आले होते, मात्र उपचारादरम्यात त्यांचा मृत्यु झाला.

 

 

 

 

मृतदेह शवविच्छेदनासाठी पुण्याला पाठवण्यात आले आहे. गोळीबार कोणी आणि का केला याबाबतचा तपास सुरु आहे. मात्र अद्याप कुठलीच माहिती मिळू शकलेली नाही.

संपूर्ण प्रकरणामुळे जामखेड येथे नागरिकांचा आक्रोश दिसून येत आहे, तसेच येील नागरिकांनी आणि राष्ट्रवादी युवक काँग्रेस संघटनेने जामखेड बंद ठेवण्याची मागणी केली आहे.

पालकमंत्री राम शिंदे यांनी रुग्णालयात भेट दिली. यावेळी संतप्त जनतेने आपला आक्रोश त्यांच्यासमोर व्यक्त करत घोषणाबाजी केली. परिस्थिती हाताळण्यासाठी पोलिस बंदोबस्त करण्यात आला होता. वातावरण अधिक तापू नये यासाठी पालकमंत्र्यांना रुग्णालयातून पाठवण्यात आले.पूर्व वैमनस्यातून ही हत्या केली असल्याचा अंदाज वर्तविण्यात येत आहे.