गरज पडली तर प. बंगालमध्ये फेर मतदान

भाजपच्या याचिकेनंतर कोलकत्ता उच्च न्यायालयाने आयोगाला सर्व बंदोबस्तामध्ये निवडणुका घेण्याचे आदेश दिल्यानंतर आयोगाने आज ही घोषणा केली आहे. खरे पाहता गेल्या ९ तारखेलाच राज्यात पंचायत निवडणुका होणार होत्या. परंतु तृणमूल कॉंग्रेसचे कार्यकर्ते भाजप कार्यकर्त्यावर हल्ला करत असून उमेदवारांना निवडणूक अर्ज भरू देत नसल्याचा आरोप भाजपने केला होता. तसेच निवडणुकी दरम्यान राज्यात निमलष्करी दले तैनात करण्यात यावी, अशी मागणी भाजपने केली होती. यावर कोलकत्ता न्यायालयाने आपला निर्णय देत आयोगाला निवडणुका घेण्याचे आदेश दिले होते.