जलयुक्त शिवार : ८ कंत्राटदार काळया यादीत

जलयुक्त शिवार अभियान २०१६-१७ व २०१७-१८ अंतर्गत कृषि विभागाने प्रस्तावित कामांची ई-निविदा व वाटप प्रक्रियेचा अवलंब करुन मजूर सहकारी संस्था, सुशिक्षीत बेरोजगार अभियंता व खुली निविदेद्वारे कामांचे वाटप करण्यात आले. ई-निविदा व वाटप प्रक्रियेतील अटी व शर्तीनुसार संबंधित कंत्राटदारास तसेच मजूर संस्थेस कामांचे कार्यारंभ आदेश देवून सुध्दा कामे सुरु केलेली नाहीत. त्यामुळे वेळेत कामे पूर्ण होवू शकली नाही व विभागास प्राप्त विशेष निधी, डी.पी.डीसी निधी समर्पित करावा लागला. या संदर्भात ६ एप्रिल २०१८ रोजी जलयुक्त शिवार जिल्हास्तरीय समितीच्या सभेमध्ये सर्वानुमते कंत्राटदार, सुशिक्षित बेरोजगार संघटना तसेच मजूर संस्थांना काळया यादीत समाविष्ट करण्यात आले आहेत.