जम्मू-काश्मीरमध्ये दहशतवादी हल्ला, एक जवान जखमी

सध्या सुरक्षा रक्षकांनी या भागाला संपूर्ण घेरले असून सध्या या भागात शोध मोहीम जोरदार सुरु आहे. दहशतवाद्यांनी ४२ आर आर बटालियन तुकडीवर हल्ला केला. अजून देखील काही ठिकाणी चकमक सुरुच आहे. गेल्या काही दिवसांपासून या भागांमध्ये दहशतवाद्यांकडून सतत हल्ला केला जात आहे.

काही दिवसांपूर्वी सुरक्षा रक्षकांना मोठे यश हाती लागले होते. सुरक्षा रक्षकांनी सात दहशतवाद्यांना ठार केले असून एका दहशतवाद्याला जिवंत पकडले होते. या दहशतवाद्यांना अनंतनाग भागात एक तर शोपियान भागातून पकडले होते. पुलवामा, अनंतनाग, त्राल, शोपियान या भागांमध्ये दहशतवाद्यांकडून नेहमीच गोळीबार केला जातो.